കൊച്ചി: എടപ്പാളിലെ തിയറ്ററില്‍ പെണ്‍കുട്ടി ലൈംഗിക അതിക്രമത്തിനിരയായ സംഭവം ദൗര്‍ഭാഗ്യകരമാണെന്നും പ്രതിക്കെതിരേ കര്‍ശന നടപടി സ്വീകരിക്കുമെന്നും മന്ത്രി വി.എസ് സുനില്‍കുമാര്‍. വിഷയം വളരെ ഗൗരവത്തോടെയാണ് സര്‍ക്കാര്‍ കാണുന്നത്.
ഇത്തരം കുറ്റകൃത്യങ്ങള്‍ ചെയ്തവരെ സംരക്ഷിക്കുന്ന നടപടി സര്‍ക്കാരിന്റെ ഭാഗത്തുനിന്നു ഉണ്ടാകില്ല.
കൊച്ചുകുട്ടികള്‍ക്ക് നേരെയുള്ള കടന്നാക്രമണങ്ങള്‍ നാട്ടില്‍ വര്‍ധിച്ചുവരികയാണെന്നും വിഷയത്തില്‍ പൊലിസിന്റെ ഭാഗത്തുനിന്നു ശക്തമായ നടപടി ഉണ്ടാകുമെന്നും മന്ത്രി കൊച്ചിയില്‍ മാധ്യമപ്രവര്‍ത്തകരോട് പറഞ്ഞു.