വടകര: പൊലിസ് അസോസിയേഷന്‍ സംസ്ഥാന സമ്മേളനത്തിന്റെ പ്രതിനിധി സമ്മേളനത്തില്‍ അംഗങ്ങള്‍ നേതൃത്വത്തിനും മാധ്യമങ്ങള്‍ക്കുമെതിരേ രൂക്ഷമായ വിമര്‍ശനങ്ങളാണ് ഉന്നയിച്ചത്.
രക്തസാക്ഷി മണ്ഡപത്തിലും മുദ്രാവാക്യം വിളിയിലുമടക്കം വിവാദങ്ങള്‍ വന്നതാണ് അംഗങ്ങളെ ചൊടിപ്പിച്ചത്. രക്തസാക്ഷി മണ്ഡപത്തിന്റെ നിറമെന്തെന്ന് തീരുമാനിക്കുന്നത് മാധ്യമങ്ങളാണോ എന്നും മാധ്യമങ്ങളുടെ വലയില്‍ വീഴുകയായിരുന്നു അസോസിയേഷന്‍ നേതൃത്വമെന്നും അംഗങ്ങള്‍ പറഞ്ഞു. മുന്‍പ് ശക്തമായ തീരുമാനങ്ങളെടുത്തിരുന്ന അസോസിയേഷന്‍ ഇപ്പോള്‍ പലര്‍ക്കും വഴങ്ങി തീരുമാനങ്ങള്‍ തിരുത്തുന്ന അവസ്ഥയിലേക്കെത്തിയിരിക്കുകയാണെന്നും വിമര്‍ശനമുയര്‍ന്നു.