ഗൂഡല്ലൂര്‍: താലൂക്ക് മുസ്‌ലിം ഓര്‍ഗനൈസേഷന്‍ കമ്മിറ്റിയുടെ കീഴില്‍ മൂന്ന് വര്‍ഷമായി പ്രവര്‍ത്തിക്കുന്ന മുഹമ്മദലി ശിഹാബ് തങ്ങള്‍ അറബിക് കോളജിനായി ദേവര്‍ശോല എട്ടാംമൈലില്‍ നിര്‍മാണം പൂര്‍ത്തിയായ കെട്ടിടത്തിന്റെ ഉദ്ഘാടനം നാളെ ഉച്ചക്ക് 2.30ന് പാണക്കാട് ഹൈദരലി ശിഹാബ് തങ്ങള്‍ നിര്‍വഹിക്കും. സമസ്ത കേരള ജംഇയ്യത്തുല്‍ ഉലമാ ജന.സെക്രട്ടറി പ്രൊഫ. കെ ആലിക്കുട്ടി മുസ്്‌ലിയാര്‍, വെല്ലൂര്‍ ബാഖിയാത്തുസ്വാലിഹാത്ത് അറബിക് കോളജ് പ്രൊ. അല്‍ ഹാഫിള് അബ്ദുല്‍ ഹമീദ് ബാഖവി, എസ്.വൈ.എസ് സംസ്ഥാന സെക്രട്ടറി അബ്ദുല്‍ ഹമീദ് ഫൈസി അമ്പലക്കടവ്, ട്രഷറര്‍ കെ മമ്മദ് ഫൈസി, കാളാവ് സൈതലവി മുസ്്‌ലിയാര്‍, എം സുബൈര്‍ ഹാജി, ഒ.കെ ഇമ്പിച്ചിക്കോയ തങ്ങള്‍, കെ ബാപ്പു ഹാജി, കുട്ടിപ്പ എന്നിവര്‍ സംബന്ധിക്കും. കെ.വി മുഹമ്മദ് അധ്യക്ഷനാവും. അബ്ദുല്‍ ബാരി ഹാജി സ്വാഗതവും മുഹമ്മദലി ബാഖവി നന്ദിയും പറയും.