കണിയാമ്പറ്റ: ഗ്രാമ പഞ്ചായത്തില്‍ 12-ാം പഞ്ചവല്‍സര പദ്ധതിയിലെ 2016-17 വാര്‍ഷിക പദ്ധതിയില്‍ ഉള്‍പ്പെടുത്തി നടപ്പാക്കുന്ന വ്യക്തിഗത പദ്ധതി ആനുകൂല്യങ്ങള്‍ക്ക് അര്‍ഹതയുള്ളവരില്‍ നിന്നും നിര്‍ദിഷ്ട ഫോറത്തില്‍ അപേക്ഷകള്‍ ക്ഷണിച്ചു. പൊതുവിഭാഗത്തില്‍ ഗാര്‍ഹിക കുടിവെള്ള കണക്ഷന്‍ സബ്‌സിഡി പദ്ധതി, പട്ടികജാതി വിഭാഗത്തില്‍ പട്ടികജാതിക്കാര്‍ക്ക് ലാപ്‌ടോപ്പ് വിതരണ പദ്ധതി, പട്ടികവര്‍ഗ ഉപപദ്ധതി വിഭാഗത്തില്‍ പട്ടികവര്‍ഗക്കാര്‍ക്ക് ലാപ്‌ടോപ്പ് വിതരണ പദ്ധതി എന്നീ പദ്ധതി ആനുകൂല്യങ്ങള്‍ക്കുമാണ് അപേക്ഷകള്‍ ക്ഷണിക്കുന്നത്. അപേക്ഷകള്‍ മാര്‍ച്ച് 22ന് മൂന്ന് മണി വരെ പഞ്ചായത്ത് ഓഫിസില്‍ സ്വീകരിക്കും. ഫോറങ്ങള്‍ പഞ്ചായത്ത് ഓഫിസ്, ഗ്രാമകേന്ദ്രങ്ങള്‍, അയല്‍സഭകള്‍, അങ്കണവാടികള്‍, വാര്‍ഡ് കുടുംബശ്രീ സമിതികള്‍ എന്നിവിടങ്ങളില്‍ നിന്നും ലഭിക്കുന്നതാണ്.