കഠിനംകുളം: സഞ്ചാരി തിരുവനന്തപുരം യൂനിറ്റിന്റെ മണ്‍സൂണ്‍ യാത്ര ഇന്നു രാവിലെ കഴക്കൂട്ടത്ത് നിന്നും ആരംഭിക്കും.
തിരുവനന്തപുരം മേയര്‍ അഡ്വ.വി.കെ. പ്രശാന്ത് യാത്ര ഫ്‌ളാഗ് ഓഫ് ചെയ്യും, സഞ്ചാരി യൂനിറ്റിന്റെ ഒഫീഷ്യല്‍ ടീഷര്‍ട്ട്  ചടങ്ങില്‍ വെച്ചു മേയര്‍ അവതരിപ്പിക്കും. തിരുവനന്തപുരത്തു നിന്നു തെന്മലയിലേക്കും അവിടെ നിന്ന് ഫോറസ്റ്റ് ഡിപ്പാര്‍ട്ടുമെന്റിന്റെ സഹകരണത്തോടെ ശെന്തുരുണി വന്യജീവിസങ്കേതത്തിലേക്ക് ജംഗിള്‍ സഫാരിയുമാണ് ഈ മണ്‍സൂണ്‍ യാത്രയിലുള്ളത്. പ്രകൃതിയോടൊപ്പം ഒരു സഞ്ചാരം എന്ന ആശയം മുന്നോട്ടു വെച്ചുകൊണ്ട് യാത്രകള്‍ ഇഷ്ടപ്പെടുന്നവര്‍ക്ക് മാര്‍ഗനിര്‍ദേശവും പ്രകൃതിസൗഹൃദമായ ടൂറിസം പ്രോത്സാഹിപ്പിക്കുകയും ചെയ്യുന്ന ഓണ്‍ലൈന്‍ ട്രാവല്‍ ഗ്രൂപ് ആണ് സഞ്ചാരി. രണ്ട് ലക്ഷത്തോളം അംഗങ്ങളുമായി കേരളത്തില്‍ എല്ലാ ജില്ലകളിലും ഓഫ്‌ലൈന്‍ യൂനിറ്റുകള്‍ ഉള്ള സഞ്ചാരിക്ക് ബാംഗ്ലൂര്‍ പോലെയുള്ള മെട്രോ നഗരങ്ങളിലും മറ്റു രാജ്യങ്ങളിലും യൂനിറ്റുകളുണ്ട്.