കൊച്ചി: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച സംഭവത്തില്‍ യുവതിയെ പൊലിസ് അറസ്റ്റ് ചെയ്തു. പള്ളുരുത്തി എം.എല്‍.എ റോഡില്‍ സജിത്ത് ലൈനില്‍ കണ്ടത്തിപ്പറമ്പില്‍ ചിന്നാവി, സനീഷ എന്നു വിളിപ്പേരുള്ള സിനിനെ (26) യാണു പള്ളുരുത്തി സര്‍ക്കിള്‍ ഇന്‍സ്‌പെക്ടര്‍ കെ.ജി അനീഷിന്റെ നേതൃത്വത്തില്‍ അറസ്റ്റ് ചെയ്തത്.
പള്ളുരുത്തി സ്വദേശിയായ പതിനഞ്ചുകാരിയെയാണ് ഇവര്‍ പീഡനത്തിനിരയാക്കിയത്. രണ്ടു വര്‍ഷം മുന്‍പ് കുട്ടിയുടെ കുടുംബവുമായി അടുപ്പം പുലര്‍ത്തുകയും വീട്ടില്‍ ആരുമില്ലാ ത്ത സമയത്ത് കുട്ടിയുടെ നഗ്ന ചിത്രങ്ങള്‍ മൊബൈലില്‍ പകര്‍ത്തുകയും ചെയ്തു. പിന്നീട് ഇത് കുട്ടിയെ കാണിച്ച പ്രതി സമൂഹമാധ്യമങ്ങള്‍ വഴി പ്രചരിപ്പിക്കുമെന്ന് ഭീഷണിപ്പെടുത്തിയും മറ്റും പീഡിപ്പിക്കുകയായിരുന്നു.
പത്താം ക്ലാസില്‍ പഠിക്കുന്ന കുട്ടി പഠനത്തിനായി ബന്ധു വീട്ടിലെത്തിയപ്പോള്‍ പെരുമാറ്റത്തില്‍ സംശയം തോന്നിയ ബന്ധുക്കള്‍ പുസ്തകം പരിശോധിച്ചപ്പോള്‍ അതില്‍ നിന്ന് പ്രതിയുടെ കത്ത് ലഭിക്കുകയായിരുന്നു. ഇതേത്തുടര്‍ന്ന് ബന്ധുക്കള്‍ ചൈല്‍ഡ്‌ലൈന്‍ അധികൃതരെ വിവരമറിയിച്ചു. തുടര്‍ന്നാണ് പള്ളുരുത്തി പൊലിസ് പ്രതിയെ പിടികൂടിയത്.