മനാമ: ബഹ്‌റൈനിലേക്ക് മയക്കുമരുന്ന് കടത്തുന്ന സംഘം പിടിയില്‍. വിദേശികളടക്കമുള്ള സംഘാംഗങ്ങളുടെ പേരു വിവരങ്ങള്‍ പുറത്തു വിട്ടിട്ടില്ല.
ഇവരുടെ പക്കല്‍ നിന്ന് 24,000 ബഹ്‌റൈന്‍ ദിനാര്‍ വിലമതിക്കുന്ന മയക്കുമരുന്നും 10,000 ബഹ്‌റൈന്‍ ദിനാര്‍ വില വരുന്ന കറന്‍സികളും കണ്ടെത്തിയിതായി ക്രിമിനല്‍ ഇന്‍വെസ്റ്റിഗേഷന്‍ ആന്‍ഡ് ഫോറന്‍സിക് സയന്‍സ് ജനറല്‍ ഡയരക്ടര്‍ അറിയിച്ചു.
പബ്ലിക് വാറണ്ട് പുറപ്പെടുവിച്ചതിനെ തുടര്‍ന്ന് പ്രതികളുടെ താമസസ്ഥലത്ത് നിന്നാണ് ഇവരെ പിടികൂടിയത്. തുടര്‍ നടപടികള്‍ക്കായി കേസ് പബ്ലിക് പ്രോസിക്യൂഷന് കൈമാറിയിട്ടുണ്ടെന്നും അദ്ദേഹം വ്യക്തമാക്കി.