ബംഗളൂരു: സംസ്ഥാന തെരഞ്ഞെടുപ്പില്‍ കോണ്‍ഗ്രസിനേറ്റ തിരിച്ചടിക്ക് കാരണം മുഖ്യമന്ത്രി സിദ്ധാരാമയ്യക്കുണ്ടായ അമിത ആത്മവിശ്വാസമാണെന്ന ആരോപണവുമായി കോണ്‍ഗ്രസ് നേതാവും ഊര്‍ജ മന്ത്രിയുമായ ഡി.കെ ശിവകുമാര്‍. രണ്ട് മണ്ഡലങ്ങളില്‍ സിദ്ധരാമയ്യ മത്സരിക്കരുതെന്ന് ഉപദേശം നല്‍കിയിരുന്നു.
എന്നാല്‍ അദ്ദേഹം സ്വന്തം തീരുമാനവുമായി മുന്നോട്ടുപോയി. ബി.ജെ.പി നടത്തിയ പ്രചാരണത്തിന്റെ പത്ത് ശതമാനം പ്രചാരണം പോലും കോണ്‍ഗ്രസ് നടത്തിയിട്ടില്ല. കഴിഞ്ഞ മാസം കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി സംസ്ഥാനത്ത് സന്ദര്‍ശനം നടത്തി പരമാവധി പ്രചാരണ പ്രവര്‍ത്തനങ്ങള്‍ നടത്തി.
എന്നാല്‍ പ്രദേശിക നേതാക്കന്മാര്‍ മുഖ്യ പ്രചാരണങ്ങള്‍ക്ക് രംഗത്തിറങ്ങിയിട്ടില്ലെന്നും ശിവകുമാര്‍ പറഞ്ഞു.