ദമാം: പട്രോളിങിനിടെ ട്രാഫിക് സംഘത്തിനു നേരെ നടത്തിയ അജ്ഞാതരുടെ ആക്രമണത്തില്‍ സുരക്ഷാ ഉദ്യോഗസ്ഥന്‍ കൊല്ലപ്പെട്ടു. സഊദിയിലെ കിഴക്കന്‍ പ്രവിശ്യയില്‍ ശീഈ ഭൂരിപക്ഷപ്രദേശമായ ഖത്വീഫിലെ അവാമിയയില്‍ വെള്ളിയാഴ്ചയാണ് സംഭവം. 

പതിവു പട്രോളിങില്‍ ഏര്‍പ്പെട്ട സംഘത്തിനുനേരെ നടന്ന വെടിവയ്പ്പില്‍ സുരക്ഷാ ഉദ്യോഗസ്ഥനായ ഫൈസല്‍ അല്‍ ഹര്‍ബിയാണ് കൊല്ലപ്പെട്ടതെന്ന് സഊദി ആഭ്യന്തര മന്ത്രാലയം വ്യക്തമാക്കി.
തീവ്രവാദ ബന്ധം ഉള്‍പ്പെടുത്തി ശക്തമായ അന്വേഷണം നടത്തുന്നുണ്ട്. അവാമിയ ഉള്‍പ്പെടുന്ന ഖത്വീഫ് മേഖലയില്‍ നിന്നു കഴിഞ്ഞ ബുധനാഴ്ച രാത്രി പിടികിട്ടാപ്പുള്ളിയായ തീവ്രവാദിയെ പൊലിസ് വെടിവച്ചു കൊന്നിരുന്നു. നേരത്തെ കഴിഞ്ഞ ഒക്ടോബറില്‍ നടന്ന വെടിവയ്പ്പില്‍ അഞ്ചുപേരും ജനുവരിയില്‍ നടന്ന ആക്രമണത്തില്‍ രണ്ടു പൊലിസുകാരും കൊല്ലപ്പെട്ടിരുന്നു.