മട്ടന്നൂര്‍: തലശ്ശേരി-വളവുപാറ റോഡുപണി നടക്കുന്ന മട്ടന്നൂര്‍- ഇരിട്ടി പാതയില്‍ യാത്രക്കാര്‍ പൊരിവെയിലില്‍ ബസ് കാത്തു നില്‍ക്കുന്നു. കെ.എസ്.ടി.പി റോഡു പണി നടക്കുന്നതിന്റെ ഭാഗമായാണ് ഈ റൂട്ടിലെ ഒട്ടേറെ ബസ് കാത്തിരിപ്പുകേന്ദ്രങ്ങള്‍ നീക്കം ചെയ്തത്. ഈ റൂട്ടിലെ തണല്‍മരങ്ങളും മുറിച്ചു മാറ്റി. ഇതുകാരണം ബസില്‍ വിവിധ സ്ഥലങ്ങളില്‍ പോകാനെത്തുന്ന യാത്രക്കാര്‍ പൊരിവെയില്‍ കൊള്ളുകയാണ്. ഇതിനു
പുറമേ റോഡിന്റെ ഇരുവശങ്ങളിലുമുള്ള പുതുതായി നിര്‍മിച്ച ഓവുചാലിന്റെ മേല്‍ വശത്തില്‍ പൊന്തി നില്‍ക്കുന്ന കമ്പിയും  അപകടഭീതിയുയര്‍ത്തുന്നു. വേനല്‍ ശക്തമായതോടെ സൂര്യാഘാതമേല്‍ക്കുമെന്ന ഭയവും യാത്രക്കാര്‍ക്കുണ്ട്.