പഴയങ്ങാടി: മാടായി പരിസ്ഥിതി പരിരക്ഷണ  സമിതി പരിസ്ഥിതി സമ്മേളനത്തിന്റെ ഭാഗമായി  പഴയങ്ങാടിയില്‍ മാടായിപാറക്കൊരു നിറക്കൂട്ട്  ചിത്ര രചനനടത്തി. മുപ്പതോളം ചിത്രകാരന്‍മാര്‍ പഴയങ്ങാടി ബസ്സ്റ്റാന്‍ഡില്‍ ഒരുക്കിയ കാന്‍വാസില്‍ ചിത്രംവരച്ചു. കെ.കെ.ആര്‍ വെങ്ങര ഉദ്ഘാടനം ചെയ്തു. മാടായിപ്പാറ സംരക്ഷണ സമിതി ചെയര്‍മാന്‍ പി.പി കൃഷ്ണന്‍ അധ്യക്ഷനായി. ബി മുഹമ്മദ് അഷ്‌റഫ്, യു പ്രസന്നകുമാര്‍, പി അബ്ദുല്‍ഖാദര്‍, ഗോവിന്ദന്‍ മണ്ടൂര്‍ സംസാരിച്ചു.