റിയാദ്: യമനില്‍ സഖ്യസേന നടത്തിയ വ്യോമാക്രമണത്തില്‍ മുതിര്‍ന്ന നേതാവടക്കം 45 ഹൂതികള്‍ കൊല്ലപ്പെട്ടു. പടിഞ്ഞാറന്‍ താഇസിലെ ബുര്‍ജ് ടൗണില്‍ ശനിയാഴ്ച വൈകിട്ടാണ് സംഭവം. കഴിഞ്ഞ വെള്ളിയാഴ്ച പള്ളിക്ക് നേരെ ഹൂതികള്‍ നടത്തിയ ആക്രമണത്തില്‍ 30 ഓളം യമന്‍ സൈനികര്‍ കൊല്ലപ്പെട്ടിരുന്നു. ഇതിനു ശേഷം മണിക്കൂറുകള്‍ക്കുള്ളില്‍ ശക്തമായ വ്യോമാക്രമണമാണ് സഖ്യസേന നടത്തിയത്.

മുതിര്‍ന്ന ഹൂതി നേതാവ് അമീന്‍ അല്‍ ഹുമൈദാനാണ് ആക്രമണത്തില്‍ കൊല്ലപ്പെട്ടത്. നിരവധി വാഹനങ്ങളും ആയുധങ്ങളും തകര്‍ത്തതായി വാര്‍ത്താ ഏജന്‍സി റിപ്പോര്‍ട്ട് ചെയ്തു.