കൊടുങ്ങല്ലൂര്‍: കോട്ടപ്പുറം ചന്തയില്‍ മുത്തശ്ശി മാവിന്റെ ശിഖരങ്ങള്‍ വെട്ടി മുറിച്ചതിനെതിരേ പ്രതിഷേധം.
കൊമ്പുകള്‍ വെട്ടിമുറിച്ചയാള്‍ക്ക് പിഴ ശിക്ഷ. കോട്ടപ്പുറം ചന്തയിലെ നൂറ്റാണ്ടിലധികം പഴക്കമുള്ള കോമാവിന്റെ കൊമ്പുകളാണ് സ്വകാര്യ വ്യക്തി മുറിച്ചു നീക്കിയത്. പരിസ്ഥിതി വാരാചരണത്തിനിടയിലായിരുന്നു മരം മുറിക്കല്‍.
സംഭവത്തില്‍ പ്രതിഷേധിച്ച് ഒരു കൂട്ടം പ്രകൃതി സ്‌നേഹികള്‍ ബോര്‍ഡ് സ്ഥാപിച്ചതോടെ വിഷയം വിവാദമായി. ഇതേ തുടര്‍ന്ന് വാര്‍ഡ് കൗണ്‍സിലറും മറ്റും ഇടപെട്ട് മാവിന്റെ കൊമ്പ് മുറിച്ചയാളില്‍ നിന്ന് നഗരസഭ പിഴ ഈടാക്കുകയായിരുന്നു.