തിരുവമ്പാടി: 'ഡൊണേറ്റ് ബ്ലഡ് സെലിബ്രേറ്റ് യൂത്ത് 'എന്ന പ്രമേയത്തില്‍ കാരശ്ശേരി പഞ്ചായത്ത് മുസ്‌ലിം ലീഗ് റിലീഫ് വിഭാഗമായ 'അലിവ് ' കോഴിക്കോട് മെഡിക്കല്‍ കോളജുമായി സഹകരിച്ച് രക്ത ദാന ക്യാംപയിന്‍ സംഘടിപ്പിക്കുന്നു.  ക്യാംപയിന്റെ ലോഗോ പ്രകാശനം നിയോജക മണ്ഡലം മുസ്‌ലിം ലീഗ് പ്രസിഡന്റ് സി.പി.ചെറിയ മുഹമ്മദ് ജന.സെക്രട്ടി സി.കെ കാസിമിന് കൈമാറി ഉദ്ഘാടനം ചെയ്തു.  ട്രഷറര്‍ കെ.വി അബദുറഹിമാന്‍ മുഖ്യപ്രഭാഷണം നടത്തി. അലിവ് വര്‍ക്കിങ് ചെയര്‍മാന്‍ വി.എ റഷീദ് മാസ്റ്റര്‍ അധ്യക്ഷനായി. ജന. കണ്‍വീനര്‍ സലാം തേക്കുംകുറ്റി ,എം കെ സൈതാലി, പീര്‍ മുഹമ്മദ്, എം.ടി സൈദ് ഫസല്‍, നിസാം കാരശ്ശേരി, ഗസീബ് ചാലൂളി, ഷിഹാബ്, കെ.എം അഷ്‌റഫലി, ടി.പി ജബ്ബാര്‍, പി .പി ഷിഹാബ്,കെ.റഹൂഫ്, പി ഉനൈസ്, കെ .പി സാദിഖ്,എ .പി റിഷാദ്, മുനീര്‍ ആലുങ്ങല്‍ സംസാരിച്ചു.