മാനന്തവാടി: അമിത വേഗതയില്‍വന്ന ബസിന്റെ വാതില്‍തുറന്ന് തെറിച്ച് വീണ് സ്ത്രീക്ക് പരുക്ക്.
മന്ത്രി എ.സി മൊയ്തീന്റെ പേഴ്‌സണല്‍ സ്റ്റാഫംഗം കണിയാരം അമ്പലവന്‍ എ.കെ റൈഷാദിന്റെ ഉമ്മ സഫിയ(49)ക്കാണ് പരുക്കേറ്റത്. ഇവര്‍ ജില്ലാ ആശുപത്രിയില്‍ ചികിത്സയിലാണ്. ഞായറാഴ്ച രാവിലെ 11.30 ഓടെ തലപ്പുഴ 44ലാണ് അപകടം.
തലശേരിയില്‍ നിന്ന് മാനന്തവാടിയിലേക്ക് വരികയായിരുന്ന കെ.എസ്.ആര്‍.ടി.സി ബസില്‍ നിന്നാണ് വളവ് തിരിയുന്നതിനിടെ ഇവര്‍ പുറത്തേക്ക് തെറിച്ച് വീണത്.