മഞ്ചേരി: കിണറ്റില്‍ കുടുങ്ങിയയാളെ അഗ്‌നിശമനസേന രക്ഷപ്പെടുത്തി. കരുവമ്പ്രം അമ്പലപ്പടി പുത്തന്‍പുരയില്‍ രുഗ്മിണിയുടെ വീട്ടിലെ കിണര്‍ വൃത്തിയാക്കാന്‍ ഇറങ്ങിയ പ്രേമദാസ് (38) എടക്കാകുണ്ട് ആണ് ദേഹാസ്വാസ്ഥ്യം മൂലം കയറാന്‍ പറ്റാതെ 45 അടിയോളം താഴ്ചയുള്ള കിണറില്‍ കുടുങ്ങിയത്. മഞ്ചേരി അഗ്‌നിശമന എത്തി പ്രേമദാസിനെ സുരക്ഷിതമായി പുറത്തെത്തിച്ചു. ലീഡിങ് ഫയര്‍മാന്‍ എം.അബ്ദുല്‍ കരീമിന്റെ നേതൃത്വത്തില്‍ ഇ.എം അബ്ദു റഫീഖ്, കെ.മുഹമ്മദ് സമീം, എം.വി അജിത്, സനീഷ് പി ചെറിയാന്‍ എന്നിവര്‍  ചേര്‍ന്നാണ് രക്ഷാപ്രവര്‍ത്തനം നടത്തിയത്.