കോട്ടയം: സെന്റര്‍ ഫോര്‍ ഖുര്‍ആനിക് സ്റ്റഡീസില്‍ റമദാന്‍ പ്രഭാഷണവും ആരോഗ്യ സെമിനാറും നടന്നു. ഇന്നലെ രാവിലെ പത്തിന് കോട്ടയം ചെല്ലിയൊഴുക്കം റോഡിലുള്ള സി.ക്യൂ.എസ് ഹാളില്‍ നടന്ന പരിപാടിയില്‍ തിരൂര്‍ പയ്യനങ്ങാടി ജുമാ മസ്ജിദ് ഇമാം ഷിയാസ് സലഫി വിഷയാവതരണം നടത്തി.
സമ്പത്ത് വ്യവസ്ഥ ഇസ്ലാമില്‍ എന്ന വിഷയത്തെ ആസ്പദമാക്കിയായിരുന്നു പ്രഭാഷണം. സി.ക്യൂ.എസ്. മതവിജ്ഞാന കേന്ദ്രത്തിലെ വാര്‍ഷിക പരീക്ഷയില്‍ ഉന്നത വിജയം നേടിയവര്‍ക്ക് പുരസ്‌കാരം സമ്മാനിച്ചു. തുടര്‍ന്ന് നോമ്പിന്റെ ആരോഗ്യ ശാസ്ത്രം എന്ന വിഷയത്തില്‍ സെമിനാര്‍ സംഘടിപ്പിച്ചു. കോട്ടയം മെഡിക്കല്‍ കോളജ് എന്‍ഡോക്രൈനോളജി വിഭാഗം മേധാവി ഡോ. പി.കെ ജബ്ബാറാണ് സെമിനാറില്‍ സംസാരിച്ചു.