തൃപ്രയാര്‍ : പുത്തന്‍പീടിക സെന്ററില്‍ പ്രധാനമന്ത്രി ജന്‍ ഔഷധി കേന്ദ്ര മെഡിക്കല്‍ ഷോപ്പ് പൊതുജനങ്ങള്‍ക്കായി തുറന്നു കൊടുത്തു. ഗീതാ ഗോപി എം.എല്‍.എ ഉദ്ഘാടനം ചെയ്തു. പുത്തന്‍പീടിക കാരുണ്യ വെല്‍ഫെയര്‍ ചാരിറ്റബിള്‍ സൊസൈറ്റിയുടെ നേതൃത്വത്തിലാണ് ജന്‍ ഔഷധി ആരംഭിച്ചിട്ടുള്ളത്. സൊസൈറ്റി പ്രസിഡന്റ് ടി.വി രാജേന്ദ്രപ്രസാദ് അധ്യക്ഷനായി. ശ്രീമുരുകന്‍ അന്തിക്കാട് പദ്ധതി വിശദീകരണം നടത്തി. ആദ്യവില്പന അഡ്വ: എ. യു രഘുരാമ പണിക്കര്‍ നിര്‍വഹിച്ചു. താന്ന്യം പഞ്ചായത്ത് പ്രസിഡന്റ് സി.പി ജോസ്, ചാഴൂര്‍ പഞ്ചായത്ത് പ്രസിഡന്റ് സുജാത അരവിന്ദാക്ഷന്‍, അന്തിക്കാട് ആശുപത്രി അസി. സര്‍ജന്‍ ഡോ: വേണു ഗോപാല്‍, വാര്‍ഡംഗം ഷാജു മാളിയേക്കല്‍, സോമനാഥന്‍ ചാളിപ്പാട്ട് സംസാരിച്ചു.