കൊച്ചി: ശാസ്ത്ര സാങ്കേതിക സര്‍വകലാശാലയിലെ ഹിന്ദി വകുപ്പും കൊച്ചി ഭാരതീയ സാഹിത്യ പ്രതിഷ്ഠാനും സംയുക്തമായി നടത്തുന്ന'രാമസങ്കല്‍പം കേരളത്തില്‍'ത്രിദിന ദേശീയ സെമിനാര്‍ 24 ന് ആരംഭിക്കും.
കുസാറ്റ് സെമിനാര്‍ കോംപ്ലക്‌സില്‍ മലയാളം സര്‍വകലാശാല വൈസ് ചാന്‍സലര്‍ ഡോ.അനില്‍ വള്ളത്തോള്‍ ഉദ്ഘാടനം ചെയ്യും.
സാഹിത്യ-സാംസ്‌കാരിക കലാരംഗങ്ങളില്‍ രാമകഥയുടെ വ്യത്യസ്ത ആഖ്യാനങ്ങളും ചരിത്രവും സമകാലിക പ്രസക്തിയും ചര്‍ച്ച ചെയ്യും. പ്രൊഫ. എം.കെ. സാനു, സി. രാധാകൃഷ്ണന്‍, ഡോ.കെ. ജയകുമാര്‍ ഐ.എ.എസ്, മുന്‍ പി.എസ്.സി ചെയര്‍മാന്‍ ഡോ.കെ.എസ്. രാധാകൃഷ്ണന്‍, കലാമണ്ഡലം മുന്‍ വൈസ് ചാന്‍സലര്‍ ഡോ.കെ.ജി.പൗലോസ്, ഫോക്‌ലോര്‍ വിദഗ്ധന്‍ ഡോ.രാഘവന്‍ പയ്യനാട്, ഫോക്‌ലാന്‍ഡ് ഡയറക്ടര്‍ ഡോ.ജയരാജ്, നാടകകൃത്തും സംവിധായകനുമായ ചന്ദ്രദാസന്‍, കലാമണ്ഡലം രജിസ്ട്രാര്‍ ഡോ.എന്‍.ആര്‍. ഗ്രാമപ്രകാശ്, സംഗീത വിദൂഷി പ്രൊഫ. ജയലക്ഷമി, തുള്ളല്‍ കലാകാരന്‍ കലാമണ്ഡലം പ്രഭാകരന്‍ തുടങ്ങി യവര്‍ പങ്കെടുക്കും. കൂടിയാട്ടം, തോല്‍പ്പാവക്കൂത്ത്, രാമലീല, പൂരക്കളി തുടങ്ങി തിരഞ്ഞെടുത്ത കലാരൂപങ്ങളുടെ അവതരണവും ഉണ്ടായിരിക്കും.