കുറ്റ്യാടി: മനോവൈകല്യമുള്ള സ്ത്രീയെ പിഡിപ്പിച്ചെന്ന പരാതിയില്‍ വിമുക്ത ഭടനെതിരേ കുറ്റ്യാടി പൊലിസ് കേസെടുത്തു. കായക്കൊടി, കുന്നുമ്മല്‍ പഞ്ചായത്തതിര്‍ത്തിയിലെ 42 കാരിയെ പീഡിപ്പിച്ചെന്ന പരാതിയിലാണ് ചങ്ങരംകുളം സ്വദേശി കൊല്ലാറോത്ത് കുഞ്ഞിരാമ (65)നെതിരേ കുറ്റ്യാടി പൊലിസ് കേസെടുത്തത്.
ഈ മാസമാദ്യം വീട്ടില്‍ ആരുമില്ലാതിരുന്ന സമയത്ത് വീട്ടില്‍ അതിക്രമിച്ച് കയറി ഇയാള്‍ അക്രമിക്കുകയായിരുന്നുവെന്നാണ് പരാതി. ഇന്നലെ അമ്മ നേരിട്ടെത്തി പൊലിസില്‍ പരാതിപ്പെടുകയായിരുന്നു.
കോഴിക്കോട് മെഡിക്കല്‍ കോളജില്‍ ഇവരെ വൈദ്യപരിശോധനക്ക് വിധേയമാക്കി. മജിസ്‌ട്രേറ്റിനു മുന്നില്‍ ഹാജരാക്കി സ്ത്രിയുടെ മൊഴി രേഖപ്പെടുത്തി. പ്രതി ഒളിവിലാണ്. കുറ്റ്യാടി എസ്.ഐ ടി.സജീവന്റെ നേതൃത്വത്തില്‍ അന്വേഷണം ആരംഭിച്ചു.