അഞ്ചുകുന്ന്: ഗാന്ധി മെമ്മോറിയല്‍ യു.പി സ്‌കൂളിന്റെ 68-ാം വാര്‍ഷികാഘോഷവും സര്‍വിസില്‍ നിന്നും വിരമിക്കുന്ന മോളി ടീച്ചര്‍ക്ക് യാത്രയയപ്പും നല്‍കി. ജില്ലാ പഞ്ചായത്ത് പ്രസിഡന്റ് ടി ഉഷാകുമാരി ഉദ്ഘാടനം ചെയ്തു.
തോമസ് പനയ്ക്കല്‍ അധ്യക്ഷനായി. സ്‌കൂളിന്റെ പൂര്‍വ വിദ്യാര്‍ഥിയായ ഡോക്ടറേറ്റ് നേടിയ ബാവ പാലുകുന്നിനെ പനമരം ബ്ലോക്ക് പഞ്ചായത്ത് അംഗം ജയന്തി രാജന്‍ ആദരിച്ചു.
പ്രധാനാധ്യാപകന്‍ കെ.എ സെബാസ്റ്റ്യന്‍, സത്യന്‍, ബിന്ദു രാജന്‍, അബ്ദുല്‍ അസീസ് മാനിവയല്‍, കെ.എം ഹരിദാസ്, കെ.വി സുരേന്ദ്രന്‍, മോളി തോമസ്, മാസ്റ്റര്‍ ഗിരീഷ്, ഷിജി മോള്‍, ജെയിംസ്, ബാവ പാലുകുന്ന് എന്നിവര്‍ സംസാരിച്ചു. തുടര്‍ന്ന് വിദ്യാര്‍ഥികളുടെ വിവിധ കലാപരിപാടികള്‍ സംഘടിപ്പിച്ചു.