തിരൂര്‍: അന്താരാഷ്ട്ര ജലദിനമായ നാളെ പരിസ്ഥിതി സംഘടനയായ റീ-എക്കൗയും വണ്‍ ഇന്ത്യ കൈറ്റും ജെ.സി.ഐ കുറ്റിപ്പുറം ചാപ്പ്റ്ററും ചേര്‍ന്ന് നിളയുടെ സംരക്ഷണവും ജലസംരക്ഷണവും എന്ന സന്ദേശമുയര്‍ത്തി ബോധവല്‍ക്കരണ കൂട്ടായ്മ സംഘടിപ്പിക്കും. വൈകിട്ട് മൂന്നിന് നിളാ പാര്‍ക്ക് പരിസരത്ത് വാട്ടര്‍ മാനേജ്‌മെന്റ് സ്‌പെഷലിസ്റ്റ് മാധവന്‍ നമ്പൂതിരി ഉദ്ഘാടനം ചെയ്യും. പരിസ്ഥിതി പ്രവര്‍ത്തകന്‍ സി. രാജഗോപാല്‍ മുഖ്യപ്രഭാഷണം നടത്തും.
നാലിന് ഇന്ത്യയിലെ പ്രധാനപ്പെട്ട 101 നദികളുടെ പേരുള്ള പട്ടങ്ങള്‍ വാനില്‍ പറത്തും. വിദ്യാര്‍ഥികള്‍, ജനപ്രതിനിധികള്‍, പരിസ്ഥിതി പ്രവര്‍ത്തകര്‍ ചേര്‍ന്ന് ജലസംരക്ഷണ പ്രതിജ്ഞയെടുക്കും. കേരളത്തിന്റെ സാംസ്‌കാരിക പൈതൃകം വിളിച്ചോതുന്ന കഥകളി പട്ടവും ദേശീയയെ ഉണര്‍ത്തുന്ന ത്രിവര്‍ണ പട്ടവും ആകാശത്തെയും ജലത്തെയും സൂചിപ്പിക്കുന്ന നീല പട്ടവും പറത്തും. മരിക്കുന്ന നിളയും ജനിക്കുന്ന തലമുറയും എന്ന വിഷയത്തില്‍ സംവാദവും നടക്കും.