കിഴിശ്ശേരി: ചുള്ളിക്കോട്ട് സ്വകാര്യബസ് നിയന്ത്രണം വിട്ടു മറിഞ്ഞു. കിഴിശ്ശേരി - മുണ്ടക്കല്‍ റൂട്ടില്‍ ഓടുന്ന ദോസ്ത് ബസാണ് ചുള്ളിക്കോട് ഹയര്‍ സെക്കണ്ടറി സ്‌കൂളിന് സമീപം അപകടത്തില്‍ പെട്ടത്. ഇന്നലെ രാവിലെ ഒന്‍പതോടെയായിരുന്നു അപകടം. ചുള്ളിക്കോട് സ്‌കൂള്‍ പരിസരത്ത് ആളെ ഇറക്കിയതിന് ശേഷം ബസ് എടുക്കുന്നതിനിടെ നിയന്ത്രണം വിട്ട് മറിയുകയായിരുന്നു.
ബസില്‍ യാത്രക്കാര്‍ കുറവായതിനാല്‍ വന്‍ ദുരന്തം ഒഴിവായി. ബസിലുണ്ടണ്ടായിരുന്നവര്‍ നിസാര പരുക്കുകളോടെ രക്ഷപ്പെട്ടു. ബസ് മറിഞ്ഞതിനെ തുടര്‍ന്ന് രണ്ടണ്ട് മണിക്കൂറോളം ഇതു വഴിയുള്ള ഗതാഗതം തടസ്സപ്പെട്ടു.
രണ്ടണ്ടു മണിക്കൂറിനു ശേഷം ക്രൈന്‍ എത്തി ബസ് നീക്കം ചെയ്തതിനു ശേഷമാണ് ഗതാഗതം പുനസ്ഥാപിച്ചത്.