കാബൂള്‍: അഫ്ഗാനിസ്താനില്‍ ക്രിക്കറ്റ് മത്സരത്തിനിടെ സ്റ്റേഡിയത്തില്‍ സ്‌ഫോടന പരമ്പര. എട്ടുപേര്‍ കൊല്ലപ്പെട്ടു. നിരവധി പേര്‍ക്ക് പരുക്കേറ്റിട്ടുണ്ട്.
കിഴക്കന്‍ അഫ്ഗാന്‍ പ്രവിശ്യയായ നംഗര്‍ഹാറിലാണു സംഭവം. പ്രവിശ്യാ തലസ്ഥാനമായ ജലാലാബാദിലെ സ്പിങ്ഹാര്‍ ക്രിക്കറ്റ് സ്റ്റേഡിയത്തില്‍ രാത്രി മത്സരത്തിനിടെയാണു സ്‌ഫോടനമുണ്ടായത്. തുടര്‍ച്ചയായി മൂന്ന് ബോംബുകള്‍ സ്റ്റേഡിയത്തില്‍ പൊട്ടിത്തെറിച്ചു. കളി കാണാന്‍ നൂറുകണക്കിനു പേര്‍ സ്റ്റേഡിയത്തിലെത്തിയിരുന്നു. മത്സരത്തിന്റെ മുഖ്യ സംഘാടകന്‍ ഹിദായത്തുല്ല സാഹിറും കൊല്ലപ്പെട്ടവരില്‍ ഉള്‍പ്പെടും.