വടകര: നടനകലാനിധി ഡോ. ഗുരു ഗോപിനാഥിന്റെ 107-ാം ജന്മവാര്‍ഷികത്തോടനുബന്ധിച്ച് ഗുരു ഗോപിനാഥ് ട്രസ്റ്റ് ഏര്‍പ്പെടുത്തിയ 'നടനതിലകം 2016' അവാര്‍ഡ് നൃത്തകലാധ്യാപകന്‍ നിരഞ്ജന്‍ മടപ്പള്ളിക്കു ലഭിച്ചു.
കേരള സര്‍ക്കാരിന്റെ സാംസ്‌കാരിക വകുപ്പിനു കീഴിലുള്ള ഗുരു ഗോപിനാഥ് നടന ഗ്രാമത്തില്‍ ടീചേഴ്‌സ് ട്രെയിനിങ് കോഴ്‌സില്‍ രണ്ടാം റാങ്ക് നേടിയ നിരഞ്ജന്‍ മൂന്നര പതിറ്റാണ്ടായി ശാസ്ത്രീയ നൃത്തരംഗത്തു പ്രവര്‍ത്തിക്കുന്നു. തിരുവനന്തപുരം താര്‍ഥപാദ മണ്ഡപത്തില്‍ നടന്ന ചടങ്ങില്‍ ദേവസ്വം-വൈദ്യുതി വകുപ്പു മന്ത്രി കടകംപള്ളി സുരേന്ദ്രന്‍ അവാര്‍ഡ് സമ്മാനിച്ചു.