അരൂര്‍: അന്താരാഷ്ട്ര ലഹരി വിരുദ്ധ ദിനത്തോടനുബന്ധിച്ച് നടത്തിയ റെയ്ഡില്‍ 32 പൊതി കഞ്ചാവുമായി മൂന്ന് യുവാക്കള്‍ പിടിയില്‍. കൊച്ചിന്‍ കോര്‍പ്പറേഷന്‍ 22 ഡിവിഷനില്‍ പള്ളൂരുത്തി എസ്.ഡി.പി.വൈ ഹൈസ്‌ക്കുളിനു സമീപമുള്ള ഡോണ്‍ ബോസ്‌ക്കോ അനാധാലയത്തില്‍ താമസിക്കുന്ന രമേശ് (22),ദീപക്ക്(22),53 ഡിവിഷനില്‍ പൊന്നുരുന്നി കുഞ്ഞന്‍ബാവ റേഡില്‍ മുക്കുഡതൊണ്ടിയില്‍ മണി എന്ന് വിളിക്കുന്ന സന്തോഷ്(24) എന്നിവരേയാണ് അരൂര്‍ എസ്.ഐ. കെ.ജി.പ്രതാപ്ചന്ദ്രനും സംഘവും ചേര്‍ന്ന് പിടികൂടിയത്.
പോപ്പിന്‍സിന്റെ രുപത്തിലും ആക്യതിയിലുമുള്ളതിനാല്‍ ഇതിനെ പോപ്പിന്‍സ് കഞ്ചാവ് പൊതി എന്നാണ് അറിയപ്പെടുന്നത്. കുട്ടികളുടെ ഇടയില്‍ പ്രചരിക്കുന്നതിനാലും ഈ പേരില്‍ അറിയപ്പെടുന്നു.
600 രൂപ വിലയുള്ള ഒരു പൊതി പത്ത് കുട്ടികള്‍ ചേര്‍ന്ന് വാങ്ങി രഹസ്യ സങ്കേതങ്ങളില്‍ പോയിരുന്നാണ് ഉപയോഗിക്കുന്നത്. കൊച്ചി കേന്ദ്രമായാണ് സംഘങ്ങള്‍ പ്രവര്‍ത്തിക്കുന്നത്.ഇതിന്റെ ഇടനിലക്കാരെക്കുറിച്ച് പോലീസിന് വിവരം ലഭിച്ചിട്ടുണ്ട്.തിങ്കള്‍ മുതല്‍ വെള്ളിവരെയാണ് പോപ്പിന്‍സ് കഞ്ചാവ് വില്‍പ്പന നടത്തുന്നത്. അരൂര്‍ പൊലിസ് സ്റ്റേഷന്‍ സ്‌ക്വാഡും നര്‍ക്കോട്ടിക്ക് സ്‌പെഷ്യല്‍ സ്‌ക്വാഡ് അംഗങ്ങളായ അരുണ്‍കുമാര്‍,ടോണി വര്‍ഗിസ്,നിസാര്‍,സേവ്യര്‍ എന്നിവര്‍ സംഘത്തിലുണ്ടായിരുന്നു.