കാസര്‍കോട്:  ജില്ലയിലെ ചൂരിയില്‍ മദ്‌റസ അധ്യാപകന്‍ വധിക്കപ്പെട്ട സംഭവം അതീവ ഗൗരവത്തോടെയാണു സര്‍ക്കാര്‍ കാണുന്നതെന്നു റവന്യൂ മന്ത്രി ഇ ചന്ദ്രശേഖരന്‍. കൊലപാതകികളെ കണ്ടെത്താന്‍ കാര്യക്ഷമമായ അന്വേഷണം നടക്കുകയാണ്. ഉത്തരമേഖലാ ഡി.ജി.പി ഉള്‍പ്പെടെയുള്ള ഉന്നത ഉദ്യോഗസ്ഥര്‍ സ്ഥലത്ത് ക്യാംപ് ചെയ്താണ് അന്വേഷണത്തിനഴ മേല്‍നോട്ടം വഹിക്കുന്നതെന്നും മന്ത്രി പറഞ്ഞു.
കാസര്‍കോട് ജില്ലയിലെ സമാധാനം ഇല്ലാതാക്കാനുള്ള ഒരു നീക്കവും അംഗീകരിക്കാനാവില്ല. കടുത്ത നടപടികളിലൂടെ അക്രമികളെ അമര്‍ച്ച ചെയ്യും. സമാധാന ശ്രമങ്ങള്‍ക്ക് ജനങ്ങളുടെ പൂര്‍ണ പിന്തുണയുണ്ടാകണം. കിംവദന്തികളില്‍ കുടുങ്ങി നേരിന്റെയും സ്‌നേഹത്തിന്റെയും സൗഹാര്‍ദ്ദത്തിന്റേയും വഴിയില്‍ നിന്നുമാറി സഞ്ചരിക്കുന്ന സാഹചര്യം ഉണ്ടാകരുതെന്നും മന്ത്രി കൂട്ടിച്ചേര്‍ത്തു.