പേരാമ്പ്ര: ഭരണത്തിന്റെ മറവില്‍ സി.പി.എം മലയോരത്തു കഴിയുന്ന കര്‍ഷകരെ പീഡിപ്പിക്കാനും കുടിയിറക്കാനും നടത്തുന്ന ശ്രമങ്ങളെ തടയുമെന്നു ജില്ലാ കര്‍ഷക കോണ്‍ഗ്രസ്. നരിപ്പറ്റ പഞ്ചായത്തിലെ വിനോദന്റെ 41 തെങ്ങുകള്‍ മുറിച്ചുമാറ്റി നാളികേരം മോഷ്ടിക്കുകയും ചക്കിട്ടപാറ പഞ്ചായത്തില്‍ പടിയറ ചെറിയാന്റെ കൃഷിഭൂമി കൈയേറി കൊടിനാട്ടിയും  കര്‍ഷകരെ നിരന്തരം പീഡിപ്പിക്കുകയാണ്.
കുരാച്ചുണ്ട്, കാന്തലാട്, ചക്കിട്ടപാറ വില്ലേജുകളില്‍ ഇരുനൂറോളം കര്‍ഷകരെ വനം വകുപ്പ് കുടിയിറക്കാനുള്ള നടപടികള്‍ ആരംഭിച്ചിരിക്കുകയാണ്. ഉദ്യോഗസ്ഥരെ കൂട്ടുപിടിച്ച് സര്‍ക്കാര്‍ കര്‍ഷകരെ നിരന്തരം ദ്രോഹിക്കുന്ന നടപടി അവസാനിപ്പിക്കണമെന്നും കുറ്റക്കാര്‍ക്കെതിരേ കര്‍ശന നടപടി സ്വീകരിക്കണമെന്നും കര്‍ഷക കോണ്‍ഗ്രസ് ജില്ലാ കമ്മിറ്റി ആവശ്യപ്പെട്ടു.
ജില്ലാ പ്രസിഡന്റ് ഐപ്പ് വടക്കേതടം അധ്യക്ഷനായി. എന്‍. ചന്ദ്രന്‍, ടി.പി നാരായണന്‍, തലയാട് രാജു, റഹ്മാന്‍ ചേലിയ, ബാലന്‍ തെക്കയില്‍, പാപ്പച്ചന്‍കുനംതടം, അഗസ്റ്റിന്‍ കണ്ണേഴുത്ത്, ബിജു കണ്ണന്തറ, കുമാരന്‍ പാറക്കൊമ്പത്ത്, സത്യേന്ദ്രന്‍ പുത്തഴത്ത്, കെ.പി രവീന്ദ്രനാഥ്, അജിത്ത് കുയ്യാലില്‍, സംസാരിച്ചു.