മലപ്പുറം: കേരള അറബിക് ടീച്ചേഴ്‌സ് ഫെഡറേഷന്‍ ജില്ലാ കമ്മിറ്റി സംഘടിപ്പിച്ച ഇഫ്താര്‍ സംഗമവും സൗഹൃദ സദസും പാണക്കാട് സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്തു.
കെ.എ.ടി.എഫ് ജില്ലാ പ്രസിഡന്റ് പി. അബ്ദുല്‍ ലത്തീഫ് അധ്യക്ഷനായി. മുസ്‌ലിം ലീഗ് ജില്ലാ ജനറല്‍ സെക്രട്ടറി അഡ്വ. യു.എ ലത്തീഫ് മുഖ്യപ്രഭാഷണം നടത്തി. കെ.എ.ടി.എഫ് സംസ്ഥാന പ്രസിഡന്റ് ഇബ്രാഹീം മുതൂര്‍ ആമുഖ പ്രഭാഷണം നടത്തി. പി. ഉബൈദുല്ല എം.എല്‍.എ, ജില്ലാ പഞ്ചായത്തംഗം ഇസ്മാഈല്‍ മൂത്തേടം, നൗഷാദ് മണ്ണിശ്ശേരി, ശമീര്‍ ഫൈസി ഒടമല, അബൂബക്കര്‍ മാസ്റ്റര്‍ പടിക്കല്‍, പി.എം.എ വഹാബ്, ഹുസൈന്‍ കാവനൂര്‍, എന്‍.കെ സദറുദ്ദീന്‍, എ.കെ സൈനുദ്ദീന്‍, നുഹ്മാന്‍ ശിബിലി, അഹമ്മദ് കുട്ടി, എ. മുഹമ്മദ്, സി. അബ്ദുല്‍ അസീസ്, എം.വി അലിക്കുട്ടി, ടി.പി അബ്ദുല്‍ ഹഖ്, പി.കെ ഷാഹുല്‍ ഹമീദ്, എസ്.എ റസാഖ്, പി.കെ ശാക്കിര്‍, ജില്ലാ ജന. സെക്രട്ടറി ടി.സി അബ്ദുല്‍ ലത്തീഫ്, ട്രഷറര്‍ എം.പി ഫസല്‍ സംസാരിച്ചു.