ശ്രീനഗര്‍: ഇസ്‌ലാമെന്നാല്‍ തീവ്രവാദമല്ലെന്ന് നാഷണല്‍ കോണ്‍ഫ്രന്‍സ് നേതാവ് ഉമര്‍ അബ്ദുല്ല. പാംപോര്‍ ഭീകരാക്രമണത്തെ തുടര്‍ന്ന് കാശ്മീര്‍ മുഖ്യമന്ത്രി മെഹബൂബ മുഫ്തി നടത്തിയ വിവാദ പ്രസ്താവനകളോട് പ്രതികരിക്കുകയായിരുന്നു അദ്ദേഹം. മുസ്ലിമെന്ന നിലയില്‍ ഞാന്‍ ലജ്ജിക്കുന്നു എന്നായിരുന്നു മെഹബൂബ മുഫ്തി കഴിഞ്ഞ ദിവസം പറഞ്ഞത്.

ജവാന്‍മാരുടെ വീരമൃതു നല്‍കിയ ദു:ഖത്തിനു ശേഷം മറ്റൊരു ദുരന്തം കൂടിയാണ് സംഭവിച്ചിരിക്കുന്നതെന്നും അദ്ദേഹം പറഞ്ഞു. . അത് മുസ്ലീകളെ അപകീര്‍ത്തിപെടുത്തിയ മെഹ്ബൂബയുടെ പ്രസ്താവനയാണ്‌.  ഇസ്ലാമെന്നാല്‍ തീവ്രവാദമാണെന്ന ഡല്‍ഹിയിലുള്ള ചിലരുടെ പ്രചരണത്തെ ഏറ്റുപിടിക്കുകയാണ് മെഹ്ബൂബ ചെയ്യുന്നതെന്നും അദ്ദേഹം പറഞ്ഞു.