തിരുവനന്തപുരം: പതിനൊന്നു തസ്തികകളില്‍ ചുരുക്കപ്പട്ടിക പ്രസിദ്ധീകരിക്കാന്‍ ഇന്നലെ ചേര്‍ന്ന പി.എസ്.സി യോഗം തീരുമാനിച്ചു. മെഡിക്കല്‍ വിദ്യാഭ്യാസ വകുപ്പില്‍ സീനിയര്‍ ലക്ചറര്‍ ഇന്‍ റേഡിയോതെറാപ്പി (ഒന്നാം എന്‍.സി.എ- മുസ്‌ലിം), സീനിയര്‍ ലക്ചറര്‍ ഇന്‍ പീഡിയാട്രിക് സര്‍ജറി (ഒന്നാം എന്‍.സി.എ- എസ്.സി), സീനിയര്‍ ലക്ചറര്‍ ഇന്‍ ടി.ബി ആന്‍ഡ് റെസ്പിറേറ്ററി മെഡിസിന്‍ പള്‍മണറി മെഡിസിന്‍ (ഒന്നാം എന്‍.സി.എ- ഈഴവ, തിയ്യ, ബില്ലവ), അസിസ്റ്റന്റ് പ്രൊഫസര്‍ ഇന്‍ ജനറല്‍ സര്‍ജറി, അസിസ്റ്റന്റ് പ്രൊഫസര്‍ ഇന്‍ ന്യൂക്ലിയര്‍ മെഡിസിന്‍, സീനിയര്‍ ലക്ചറര്‍ ഇന്‍ റേഡിയോതെറാപ്പി (ഒന്നാം എന്‍.സി.എ- ഒ.എക്‌സ്), സീനിയര്‍ ലക്ചറര്‍ ഇന്‍ ഒബ്‌സ്റ്റെസ്ട്രിക്‌സ് ആന്‍ഡ് ഗൈനക്കോളജി (ഒന്നാം എന്‍.സി.എ- എസ്.ഐ.യു.സി നാടാര്‍), അസിസ്റ്റന്റ് പ്രൊഫസര്‍ ഇന്‍ ട്രാന്‍സ്ഫ്യൂഷന്‍ മെഡിസിന്‍ (ബ്ലഡ് ബാങ്ക്), സീനിയര്‍ ലക്ചറര്‍ ഇന്‍ ടി.ബി ആന്‍ഡ് റെസ്പിറേറ്ററി മെഡിസിന്‍ (പള്‍മനറി മെഡിസിന്‍- ഒന്നാം എന്‍.സി.എ- ഹിന്ദു നാടാര്‍), ഹയര്‍സെക്കന്‍ഡറി വിദ്യാഭ്യാസ വകുപ്പില്‍ ഹയര്‍സെക്കന്‍ഡറി സ്‌കൂള്‍ ടീച്ചര്‍ ജൂനിയര്‍ (സോഷ്യോളജി), വ്യാവസായിക പരിശീലന വകുപ്പില്‍ ജൂനിയര്‍ ഇന്‍സ്ട്രക്ടര്‍ (മില്‍ക്ക് ആന്‍ഡ് മില്‍ക്ക് പ്രൊഡക്ട്‌സ്) എന്നീ തസ്തികകളിലാണ് ചുരുക്കപ്പട്ടിക പ്രസിദ്ധീകരിക്കുക.
മെഡിക്കല്‍ വിദ്യാഭ്യാസ വകുപ്പില്‍ അസിസ്റ്റന്റ് പ്രൊഫസര്‍ ഇന്‍ ഫിസിക്കല്‍ മെഡിസിന്‍ ആന്‍ഡ് റീഹാബിലിറ്റേഷന്‍ (ഒന്നാം എന്‍.സി.എ- ധീവര), ഹയര്‍സെക്കന്‍ഡറി വിദ്യാഭ്യാസ വകുപ്പില്‍ ഹയര്‍സെക്കന്‍ഡറി സ്‌കൂള്‍ ടീച്ചര്‍ സോഷ്യോളജി (ബധിരര്‍ക്കായുള്ള പ്രത്യേക സ്‌കൂള്‍) എന്നീ തസ്തികകളില്‍ അഭിമുഖം നടത്താനും യോഗം തീരുമാനിച്ചു. കേരള വാട്ടര്‍ അതോറിറ്റിയിലെ കോണ്‍ഫിഡന്‍ഷ്യല്‍ അസിസ്റ്റന്റ് ഗ്രേഡ് രണ്ട് തസ്തികയില്‍ അഭിമുഖം ഒഴിവാക്കി റാങ്ക്പട്ടിക പ്രസിദ്ധീകരിക്കും. മലബാര്‍ സിമന്റ്‌സ് ലിമിറ്റഡിലെ സ്റ്റെനോഗ്രാഫര്‍ ഗ്രേഡ് അഞ്ച് തസ്തികയിലെ ഒഴിവുകളില്‍ ആട്ടോകാസ്റ്റ് ലിമിറ്റഡിലേക്ക് തയാറാക്കുന്ന റാങ്ക് പട്ടികയില്‍ ഉള്‍പ്പെട്ട ഉദ്യോഗാര്‍ഥികളില്‍നിന്ന് സമ്മതപത്രം വാങ്ങി നിയമിക്കാനും യോഗം തീരുമാനിച്ചു.