മരട്: നഗരസഭ തുടര്‍ വിദ്യാഭ്യാസ കേന്ദ്രത്തിന്റെ നേതൃത്വത്തില്‍ ലോക ജലദിനാഘോഷം നടത്തി. തുല്യത പഠിതാക്കളും സാക്ഷരത പ്രവര്‍ത്തകരും ചേര്‍ന്ന് മരട് കൊട്ടാരം ജങ്ഷന്‍ മുതല്‍ പൊലിസ് സ്റ്റേഷന്‍ പരിസരം വരെ റോഡിലെ പ്ലാസ്റ്റിക് മാലിന്യങ്ങള്‍ നീക്കം ചെയ്തു.
മരട് സാക്ഷരത ഭവനില്‍ നടന്ന ജലദിന സമ്മേളനം നഗരസഭ വൈസ് ചെയര്‍മാന്‍ ആന്റണി ആശാം പറമ്പില്‍ ഉദ്ഘാടനം ചെയ്തു.
വിദ്യാഭ്യാസ സ്ഥിരം സമിതി അധ്യക്ഷ ജമീല മുഹമ്മദ് അധ്യക്ഷയായി. സാക്ഷരത മിഷന്റെ തൊഴില്‍ പരിശീലന പദ്ധതിയില്‍ പങ്കെടുത്തവര്‍ക്ക് ചെയര്‍പേഴ്‌സണ്‍ ദിവ്യ അനില്‍കമാര്‍ സര്‍ട്ടിഫിക്കറ്റ് വിതരണം നടത്തി.
എം.ബി ബഷീര്‍ ബോധവല്‍ക്കരണ ക്ലാസ് നടത്തി. കൗണ്‍സിലര്‍മാരായ കെ.എ ദേവസി, ടി.എച്ച് നദീറ, മോളി ജെയിംസ്, എം.വി ഉല്ലാസ്, സ്വമിന സുജിത്, ശരത്ചന്ദ്രന്‍ എന്നിവര്‍ പ്രസംഗിച്ചു.