കല്ലടിക്കോട്: 'തഖ്ദീം 2017' എസ്.വൈ.എസ് കോങ്ങാട് മണ്ഡലം പ്രവര്‍ത്തക ക്യാംപ് നാളെ കോണിക്കഴിയില്‍ നടക്കും. വൈകുന്നേരം നാലു മണിക്ക് ആരംഭിക്കുന്ന ക്യാംപ് എസ്.വൈ.എസ് ജില്ലാ പ്രസിഡന്റ് സയ്യിദ് പി.കെ ഇമ്പിച്ചിക്കോയ തങ്ങള്‍ ഉദ്ഘാടനം ചെയ്യും. ടി.എച്ച് സുലൈമാന്‍ ദാരിമി അധ്യക്ഷനാകും. എസ്.വൈ.എസ് സംസ്ഥാന കമ്മിറ്റി അംഗം ജി.എം സ്വലാഹുദ്ദീന്‍ ഫൈസി നമ്മുടെ ആദര്‍ശം വിഷയത്തില്‍ ക്ലാസിന് നേതൃത്വം നല്‍കും.
ഏഴു മണിക്ക് നടക്കുന്ന പ്രബോധനം സെഷന്‍ ജില്ലാ ജനറല്‍ സെക്രട്ടറി ടി.കെ മുഹമ്മദ് കുട്ടി ഫൈസി ഉദ്ഘാടനം ചെയ്യും. മണ്ഡലം പ്രസിഡന്റ് വി. മുഹമ്മദ് ഫൈസി അധ്യക്ഷനാകും. എസ്.കെ.എസ്.എസ്.എഫ് ഇബാദ് സംസ്ഥാന കര്‍വീനര്‍ ആസിഫ് ദാരിമി പുളിക്കല്‍ ദഅവത്ത് പുതിയ സാഹചര്യത്തില്‍ എന്ന ക്ലാസിന് നേതൃത്വം നല്‍കും. നിസാബുദ്ദീന്‍ ഫൈസി തോണിപ്പുറം ക്യാംപിന് നേതൃത്വം നല്‍കും. ടി.കെ സുബൈര്‍ മുസ്ലിയാര്‍ കര്‍മ പദ്ധതി അവതരിപ്പിക്കും. എന്‍.എ സലീം ഫൈസി സ്വാഗതം പറയും. കെ.എസ് അശ്‌റഫ് ഫൈസി, കെ.എം മൊയ്തുപ്പ ഹാജി, സി.കെ മുഹമ്മദ് കുട്ടി ഫൈസി, അബ്ദുല്‍ ഹമീദ് ദാരിമി, റഹീം ഫൈസി, അബ്ദുല്‍ ഹകീം ഫൈസി, കെ.എം മുസ്തഫ ഫൈസി, നാസര്‍ മാസ്റ്റര്‍, ഹബീബ് മുസ്‌ലിയാര്‍, ടി. മുഹമ്മദ് കുട്ടി മുസ്‌ലിയാര്‍ സംബന്ധിക്കും. പി.എസ് അബ്ദുല്‍ കരീം നന്ദി പറയും.