കോഴിക്കോട്: റവന്യൂ ജില്ലാ സ്‌കൂള്‍ ഗെയിംസ് അസോസിയേഷന്റെ ഈ വര്‍ഷത്തെ ഓര്‍ഗനൈസിങ് സെക്രട്ടറിയായി കല്ലാച്ചി ഗവ. ഹയര്‍ സെക്കന്‍ഡറി സ്‌കൂളിലെ കായികാധ്യാപകനും വോളിബോള്‍ എന്‍.എസ്.എസ് കോച്ചും നാഷനല്‍ റഫറിയുമായ പി. അശോകനെ കോഴിക്കോട് ഡി.ഡി.ഇ ഓഫിസില്‍ ചേര്‍ന്ന യോഗത്തില്‍ തിരഞ്ഞെടുത്തു.
ചടങ്ങില്‍ ഡോ. ഗിരീഷ് ചോലയില്‍ അധ്യക്ഷനായി. എ.കെ മുഹമ്മദ് അഷ്‌റഫ്, കെ. നസീര്‍, സി.ഡി ജയില്‍സ്, എം.പി മുഹമ്മദ് ഇസ്ഹാഖ്, എം.കെ ഹമീദ്, എ.കെ ഗിരിജീഷ്, എം.സി രാജീവന്‍, സി. ബൈജു സംസാരിച്ചു.