ഇസ്താംബൂള്‍: തുര്‍ക്കിയിലെ ഇസ്താംബൂള്‍ അറ്റാര്‍ടെക് വിമാനത്താവളത്തിലുണ്ടായ ചാവേറാക്രമണത്തില്‍ 36 പേര്‍ മരിക്കുകയും 147 പേര്‍ക്ക് പരുക്കേല്‍ക്കുകയും ചെയ്തു. പരുക്കേറ്റ പലരുടേയും നില ഗുരുതരമാണ്. വിമാനത്താവളത്തിലെത്തിയ മൂന്ന് ചാവേറുകള്‍ സുരക്ഷാ ഉദ്യോഗസ്ഥര്‍ക്കു നേരെ വെടിയുര്‍ത്തശേഷം പൊട്ടിത്തെറിക്കുകയായിരുന്നു.

പ്രാദേശിക സമയം ചൊവ്വാഴ്ച്ച രാത്രി 930 ഓടെയായിരുന്നു ആക്രമണം നടന്നത്. സംഭവത്തിന് പിന്നില്‍ ഐ.എസ് ഭീകരരാണെന്ന് സംശയിക്കുന്നതായി തുര്‍ക്കി പ്രധാനമന്ത്രി ബിനാലി യില്‍ദ്രിം പറഞ്ഞു. എന്നാല്‍ ആക്രമണത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല. സംഭവത്തെ തുടര്‍ന്ന വിമാനത്താവളം താല്‍ക്കാലികമായി അടച്ചു.

അക്രമികളെ തടയാന്‍ ഉദ്യോഗസ്ഥര്‍ ശ്രമിച്ചെങ്കിലും അതിനു മുന്‍പേ അവര്‍ പൊട്ടിത്തെറിക്കുകയായിരുന്നു. മരിച്ചവരില്‍ അധികവും തുര്‍ക്കി പൗരന്മാരാണ്.