മലപ്പുറം: അസോസിയേഷന്‍ ഓഫ് സമസ്ത മൈനോരിറ്റി ഇന്‍സ്റ്റിറ്റിയൂഷന്‍ ആഭിമുഖ്യത്തില്‍ സ്ഥാപന മേധാവികളെയും മാനേജ്‌മെന്റ് ഭാരവാഹികളെയും പങ്കെടുപ്പിച്ച് ഏപ്രില്‍ ഒന്നിന് മഞ്ചേരിയില്‍ ഏകദിന ശില്‍പശാല നടക്കും. കാലത്ത് ഒന്‍പതിന് കച്ചേരിപ്പടി വുഡ്‌ബൈന്‍ ഓഡിറ്റോറിയത്തില്‍ നടക്കുന്ന ശില്‍പശാല എസ്്.കെ.എസ്.എസ്.എഫ് സംസ്ഥാന പ്രസിഡന്റ് സയ്യിദ് ഹമീദലി ശിഹാബ് തങ്ങള്‍ ഉദ്ഘാടനം ചെയ്യും. അഡ്വ. എം. ഉമ്മര്‍ എം.എല്‍.എ, ഡി.ഡി.ഇ പി. സഫറുള്ള, ഹാജി കെ. മമ്മദ് ഫൈസി, കെ. മോയിന്‍ കുട്ടി മാസ്റ്റര്‍, പി.കെ മുഹമ്മദ് ഹാജി, നിര്‍മാണ്‍ മുഹമ്മദലി പ്രസംഗിക്കും. അസ്മിയുടെ ലക്ഷ്യം, ഇഫക്ടീവ് മാനേജ്‌മെന്റ്, സംഘടനാ ചര്‍ച്ച എന്നിവ യഥാക്രമം അബ്ദുസ്സമദ് പൂക്കോട്ടൂര്‍, റഷീദ് കംബ്ലക്കാട്, റഹീം ചുഴലി എന്നിവര്‍ അവതരിപ്പിക്കും. ഇത് സംബന്ധമായി സുന്നി മഹലില്‍ ചേര്‍ന്ന യോഗത്തില്‍ പ്രസിഡന്റ് കെ.കെ.എസ് തങ്ങള്‍ വെട്ടിച്ചിറ അധ്യക്ഷനായി. കാടാമ്പുഴ മൂസ ഹാജി, ഷാഹുല്‍ ഹമീദ് മേല്‍മുറി, റഹീം ചുഴലി, റഷീദ് കംബ്ലക്കാട്, ഹാജി പി.കെ മുഹമ്മദ്, പി.വി മുഹമ്മദ് മൗലവി, മജീദ് പറവണ്ണ, സലീം എടക്കര, അലി അക്ബര്‍ ഹുദവി, മമ്മദ് കോടൂര്‍, അഡ്വ. ആരിഫ് താനൂര്‍, ഒ.കെ.എം കുട്ടി ഉമരി സംബന്ധിച്ചു.