നീലേശ്വരം: നീലേശ്വരത്തിന്റെ സ്വന്തം എഴുത്തുകാരന്‍ സുബൈദ എന്ന അബൂബക്കറിന്റെ അക്ഷരലോകം ഇന്നു നാട് ചര്‍ച്ച ചെയ്യും. പുരോഗമന കലാസാഹിത്യ സംഘം നീലേശ്വരം ഏരിയാ കമ്മിറ്റിയാണ് സ്‌നേഹസംവാദ സദസ് ഒരുക്കുന്നത്. അഞ്ചാം ക്ലാസ് വിദ്യാഭ്യാസം മാത്രമുള്ള സുബൈദ ലളിതമായ നാട്ടിന്‍പുറ ഭാഷയിലാണു കൃതികള്‍ രചിച്ചത്. അദ്ദേഹത്തിന്റെ 'കരിനാഗം' എന്ന പുസ്തകം കാലിക്കറ്റ് സര്‍വകലാശാല എം.എയ്ക്ക് പാഠപുസ്തകമാക്കിയിട്ടുണ്ട്. വൈകീട്ട് നാലിനു രാജാറോഡിലെ കൃഷ്ണ ആര്‍ക്കേഡിലാണു പരിപാടി. കേരള ഭാഷാ ഇന്‍സ്റ്റിറ്റ്യൂട്ട് മുന്‍ ഡയരക്ടര്‍ പി.കെ പോക്കര്‍ ഉദ്ഘാടനം ചെയ്യും.