കല്‍പ്പറ്റ: സംസ്ഥാന ശാസ്ത്ര- സാങ്കേതിക പരിസ്ഥിതി കൗണ്‍സിലിന്റെ ആഭിമുഖ്യത്തില്‍ സ്റ്റേറ്റ് ഇക്കോ ക്ലബ് പ്രോഗ്രാം, ദേശീയ ഹരിതസേന, ശാസ്ത്രസാഹിത്യ പരിഷത്ത് എന്നിവ സംയുക്തമായി ജില്ലയിലെ പരിസ്ഥിതി ക്ലബ് കോഡിനേറ്റര്‍മാര്‍ക്ക് പരിശീലനം നല്‍കി. സി.കെ ശശീന്ദ്രന്‍ എം.എല്‍.എ ഉദ്ഘാടനം ചെയ്തു. ജില്ലാ വിദ്യാഭ്യാസ ഉപ ഡയറക്ടര്‍ പി.പി തങ്കം അധ്യക്ഷയായി. ജലസംരക്ഷണം ജീവസംരക്ഷണം എന്ന വിഷയത്തില്‍ ശാസ്ത്രസാഹിത്യ പരിഷത്ത് കേന്ദ്ര നിര്‍വാഹക സമിതി അംഗം കെ മനോഹരന്‍ ക്ലാസെടുത്തു. സാമൂഹ്യശാസ്ത്ര കൗണ്‍സില്‍ സംസ്ഥാന സെക്രട്ടറി സി.കെ പവിത്രന്‍, ദേശീയ ഹരിതസേന ജില്ലാ കോഡിനേറ്റര്‍ സി ജയരാജന്‍, ശാസ്ത്രസാഹിത്യ പരിഷത്ത് പരിസര സമിതി കണ്‍വീനര്‍ പി അനില്‍കുമാര്‍, എം സുനില്‍കുമാര്‍, സുധീഷ് കരിങ്ങാരി, ജി മിനല്‍കുമാര്‍, എം സതീദേവി, പി.എം ജോസ്, ഷാജന്‍ സെബാസ്റ്റ്യന്‍ എന്നിവര്‍ സംസാരിച്ചു. അധ്യാപകര്‍ ജലസംരക്ഷണ പ്രതിജ്ഞയെടുത്തു. പരിസ്ഥിതി ക്ലബ് പ്രവര്‍ത്തനങ്ങള്‍ക്കുള്ള ദേശീയ ഹരിതസേനയുടെ ഫണ്ട് വിതരണവും നടത്തി.