കോഴിക്കോട്: പരമ്പരാഗത ഹാന്റിക്രാഫ്റ്റ്, ഹാന്റ്‌ലൂം, ജ്വല്ലറി, പെയിന്റിങ് എന്നിവയുടെ പ്രദര്‍ശനവും വില്‍പ്പനയുമായി രാജസ്ഥാന്‍ ഗ്രാമീണ മേള ആരംഭിച്ചു. മേളയുടെ ഉദ്ഘാടനം കോഴിക്കോട് കണ്ടംകുളം ജൂബിലി ഹാളില്‍ മേയര്‍ തോട്ടത്തില്‍ രവീന്ദ്രന്‍ നിര്‍വഹിച്ചു. അഭ്യസ്തവിദ്യരായ യുവാക്കള്‍ നിര്‍മിക്കുന്ന ഇന്ത്യന്‍ സംസ്‌കാരത്തിന്റെ പ്രതീകമായ ഉല്‍പന്നങ്ങള്‍ പ്രദര്‍ശിപ്പിക്കാന്‍ രാജസ്ഥാന്‍ ആര്‍ട്ട് കലക്ഷനാണ് വേദിയൊരുക്കിയത്. രാജ്യത്തെ 19 സംസ്ഥാനങ്ങളില്‍ നിന്നുള്ള ഉല്‍പന്നങ്ങളാണ് പ്രദര്‍ശനത്തിലുള്ളത്. മേള ജൂലൈ 11ന് അവസാനിക്കും.