താമരശ്ശേരി: ഐ.എന്‍.എല്‍ 'മില്ലത്ത് സാന്ത്വന'ത്തിന്റെ പുതുപ്പാടി മേഖലാ ഉദ്ഘാടനവും റിലീഫ് വിതരണവും ഐ.എന്‍.എല്‍ അഖിലേന്ത്യാ സെക്രട്ടറി അഹമ്മദ് ദേവര്‍കോവില്‍ നിര്‍വഹിച്ചു. പദ്ധതിയുടെ ഭാഗമായി പുതുപ്പാടി, താമരശ്ശേരി, കോടഞ്ചേരി പഞ്ചായത്തുകളിലെ ആയിരത്തോളം കുടുംബങ്ങള്‍ക്ക് റിലീഫ് കിറ്റുകള്‍ വിതരണം ചെയ്തു.
ചടങ്ങില്‍ ഇ.സി ആലി ഹാജി അധ്യക്ഷനായി. സയ്യിദ് ഷിഹാബുദ്ദീന്‍ ഇമ്പിച്ചിക്കോയ തങ്ങള്‍ റമദാന്‍ സന്ദേശം നല്‍കി. ഐ.എന്‍.എല്‍ ജില്ലാ സെക്രട്ടറി കരീം പുതുപ്പാടി, പുതുപ്പാടി പഞ്ചായത്ത് വൈസ് പ്രസിഡന്റ് കുട്ടിയമ്മ മാണി, അബ്ദുല്ലക്കോയ തങ്ങള്‍, താമരശ്ശേരി പ്രസ്‌ക്ലബ് പ്രസിഡന്റ് ടി.ഡി സെബാസ്റ്റ്യന്‍, എം.ഇ ജലീല്‍, ബിജു താന്നിക്കാകുഴി, എം.പി.എസ് ജലീല്‍ കോയ തങ്ങള്‍, സൗദ ബഷീര്‍, അസീസ് പുല്ലാളൂര്‍, ജാബിര്‍ പടനിലം, ഉസ്മാന്‍ ചാത്തന്‍ച്ചിറ, ഹാരിസ് പുല്ലാളൂര്‍, ഗഫൂര്‍, അയ്യില്‍ ഹാരിസ്, വി.എച്ച് കാസിം, അഷ്‌റഫ് ഈങ്ങാപ്പുഴ, ടി.കെ നാസര്‍ സംസാരിച്ചു.