കണ്ണൂര്‍: കെ.എസ്.യു ഭാരവാഹി തെരഞ്ഞെടുപ്പു ഫലം 13 ജില്ലകളില്‍ പ്രഖ്യാപിച്ചിരിക്കെ കണ്ണൂരിന്റെ മാത്രം പ്രഖ്യാപിക്കാനായില്ല. സംഘടനാ തെരഞ്ഞെടുപ്പിനിലെ കണ്ണൂരില്‍ നടന്ന സംഘര്‍ഷത്തിനിടെ കേന്ദ്രനിരീക്ഷകനായെത്തിയ ദേശീയ നേതാവ് ബാലറ്റുപെട്ടിയുമായി പൊലിസ്‌സ്‌റ്റേഷനില്‍ അഭയം തേടിയിരുന്നു. ഇവിടെ നിന്നു പ്രത്യേക വാഹനത്തിലാണ് നേതാവ് മടങ്ങിയത്. എ വിഭാഗത്തിന്റെ സമഗ്രാധിപത്യം സംസ്ഥാനത്തു പ്രകടമായെങ്കിലും തര്‍ക്കമുള്ളതിനാല്‍ കണ്ണൂര്‍ പ്രഖ്യാപിക്കാതെ മാറ്റിവയ്ക്കുകയായിരുന്നു. സുധാകരവിഭാഗം നേതൃത്വം നല്‍കുന്ന ഐവിഭാഗത്തിന് മുന്‍തൂക്കമുള്ള ജില്ലയാണ് കണ്ണൂര്‍. ഐഗ്രൂപ്പിലെ വി.പി
റഷീദിനെ സംസ്ഥാന വൈസ് പ്രസിഡന്റാക്കി സുധാകര വിഭാഗത്തെ സമാശ്വസിപ്പിക്കാന്‍ ശ്രമം നടന്നിട്ടുണ്ട്. എന്നാല്‍ മറ്റുനീക്കുപോക്കുകള്‍ക്ക് സുധാകര വിഭാഗം തയാറാവില്ലെന്നാണ് സൂചന.