കാഞ്ഞങ്ങാട്: ഇന്നലെയുണ്ടായ രണ്ടു തീപിടിത്തങ്ങള്‍ കാഞ്ഞങ്ങാട്ടെ അഗ്‌നിരക്ഷാസേന നിയന്ത്രിച്ചു. അമ്പലത്തറ കോട്ടപ്പാറയിലെ ഗോപാലകൃഷ്ണന്‍ എന്നയാളുടെ പറമ്പില്‍ ഇന്നലെ രാവിലെയുണ്ടായ തീപിടിത്തത്തില്‍ പറമ്പിലെ പുല്‍ക്കാടുകള്‍ ഉള്‍പ്പെടെയുള്ളവ കത്തി നശിച്ചു. അഗ്നിരക്ഷാസേനയെത്തി തീ നിയന്ത്രിച്ചതിനാല്‍ മറ്റു പറമ്പുകളിലേക്കു തീപടരുന്നത് ഒഴിവായി.
ഇന്നലെ ഉച്ചക്ക് ശേഷം കുന്നൂച്ചി തോക്കാനം മൊട്ടയിലെ സ്വകാര്യ പറമ്പില്‍ ഉണ്ടായ തീപിടിത്തവും സേന നിയന്ത്രണ വിധേയമാക്കി.പറമ്പിലുണ്ടായിരുന്ന അക്കേഷ്യ മരങ്ങളും മറ്റും കത്തി നശിച്ചു.