ജനീവ: യു.എസ് പ്രസിഡന്റ് ഡൊണാള്‍ഡ് ട്രംപും ഉ.കൊറിയന്‍ ഭരണാധികാരി കിം ജോങ് ഉന്നും തമ്മിലുള്ള കൂടിക്കാഴ്ച റദ്ദാക്കിയതില്‍ യു.എന്‍ സെക്രട്ടറി ജനറല്‍ അന്റോണിയോ ഗുട്ടറസ് ഉത്കണ്ഠ പ്രകടിപ്പിച്ചു.
സമാധാനം സ്ഥാപിക്കാനായി ഇരുവരും ചര്‍ച്ച നടത്തണമെന്നും ഇത് മാത്രമാണ് കൊറിയന്‍ ഉപഭൂഖണ്ഡത്തില്‍ ആണവ നിരായുധീകരണത്തിനുള്ള വഴിയെന്നും അന്റോണിയോ ഗുട്ടറസ് പറഞ്ഞു. ജനീവയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
ഉ.കൊറിയയിലെ ആണവ കേന്ദ്രങ്ങള്‍ തകര്‍ക്കുന്നതിന് സാക്ഷ്യംവഹിക്കാന്‍ അന്താരാഷ്ട്ര വിദഗ്ധരെ ക്ഷണിക്കാത്തതില്‍ നിരാശപ്രകടിപ്പിച്ച ഗുട്ടറസ് മേഖലയിലെ ശാശ്വത സമാധാനത്തിന് ഈ നീക്കം കാരണമാവുമെന്ന് പറഞ്ഞു.