മലപ്പുറം: യു.ഡി.എഫ് മത്സരിക്കുന്നത് സി.പി.എം ബി.ജെ.പി കൂട്ടുകെട്ടിനെതിരേയാണെന്ന് മുല്ലപ്പള്ളി രാമചന്ദ്രന്‍ എം.പി പറഞ്ഞു. മലപ്പുറത്ത് മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം. പിണറായി അധികാരത്തിലെത്തിയ ശേഷം സി.പി.എം ബി.ജെ.പി ബന്ധം കൂടുതല്‍ ശക്തമായിട്ടുണ്ട്. ഇതിന്റെ തെളിവാണ് സ്പീക്കര്‍ തെരഞ്ഞെടുപ്പില്‍ ഒ രാജഗോപാലിന്റെ പിന്തുണ.
 അധികാരമേറ്റ് ദിവസങ്ങള്‍ക്കുള്ളില്‍ പിണറായി വിജയന്‍ നരേന്ദ്രമോദിയെ സന്ദര്‍ശിച്ച് സര്‍വൈശ്വര്യവും നേര്‍ന്ന് ആറന്മുള കണ്ണാടിയും സമ്മാനിച്ചാണ് മടങ്ങിയത്.ഇതിന് പിന്നാലെയാണ് മോദിക്കും അമിത്ഷാക്കും ഇസ്രത് ജഹാന്‍ കേസില്‍ ക്ലീന്‍ ചിറ്റ് നല്‍കിയ ലോക്‌നാഥ് ബെഹ്‌റയെ ഡി.ജി.പിയാക്കിയതെന്നും അദ്ദേഹം പറഞ്ഞു.