മലപ്പുറം: മലപ്പുറം മണ്ഡലം ഉപതെരഞ്ഞെടുപ്പില്‍ വരണാധികാരി പക്ഷപാതമായി പെരുമാറിയെന്ന് ബി.ജെ.പി. സംഭവത്തില്‍ മലപ്പുറം ജില്ലാ കലക്ടര്‍കൂടിയായ വരണാധികാരിയെ മാറ്റണമെന്ന് ബി.ജെ.പി ദേശീയ നിര്‍വാഹക സമിതി അംഗം പി.കെ കൃഷ്ണദാസ് വാര്‍ത്താസമ്മേളനത്തില്‍ ആവശ്യപ്പെട്ടു.
യു.ഡി.എഫ് സ്ഥാനാര്‍ഥിയുടെ നാമനിര്‍ദേശ പട്ടികയിലെ സ്വത്ത് വിവരങ്ങളിലെ ഒരു കോളം ഒഴിച്ചിട്ടതു ചട്ടലംഘനമാണെന്നും ഇതിനെതിരേ ഹൈക്കോടതിയെ സമീപിക്കുമെന്നും പി.കെ കൃഷ്ണദാസ് പറഞ്ഞു.