കല്‍പ്പറ്റ: ജില്ലയില്‍ പൂട്ടിക്കിടക്കുന്ന മുഴുവന്‍ ടൂറിസ്റ്റ് കേന്ദ്രങ്ങളും സഞ്ചാരികള്‍ക്ക് തുറന്നുകൊടുക്കുക്കാന്‍ അധികൃതര്‍ തയാറാകണമെന്ന് വയനാട് ടൂര്‍ ഓപറേറ്റേഴ്‌സ് അസോസിയേഷന്‍ രൂപികരണ കണ്‍വന്‍ഷന്‍  ആവശ്യപ്പെട്ടു. ജില്ലയിലെത്തുന്ന വിനോദസഞ്ചാരികള്‍ക്ക് ടൂറിസ്റ്റ് കേന്ദ്രങ്ങളില്‍ പ്രാഥമിക കൃത്യങ്ങള്‍ നിര്‍വഹിക്കാനുള്ള സൗകര്യങ്ങള്‍ ലഭ്യമാക്കണം. ഡി.ടി.പി.സിയുടെ പ്രവര്‍ത്തനം മുഴുവന്‍ സമയം സെക്രട്ടറിയെ നിയമിച്ചുകൊണ്ട് കാര്യക്ഷമമാക്കണം തുടങ്ങിയ ആവശ്യങ്ങള്‍ ഉന്നയിച്ചുകൊണ്ട് ബന്ധപ്പെട്ടവര്‍ക്ക് നിവേദനം നല്‍കാനും കണ്‍വന്‍ഷന്‍ തീരുമാനിച്ചു. ഭാരവാഹികളായി കെ.ബി. രാജുകൃഷ്ണ-പ്രസിഡന്റ്, പി.എ. സതീഷ് ബാബു, എം.എം. സോനാസ്- വൈസ് പ്രസിഡന്റുമാര്‍, സതീഷ് നായര്‍-സെക്രട്ടറി, സി.പി. രജ്ഞിത്ത്, ഹമീദ് ചെറുശേരി-ജോയിന്റ് സെക്രട്ടറി എന്നിവരെ തെരഞ്ഞെടുത്തു.