ഇസ്‌ലാമാബാദ്: തങ്ങളുടെ നയതന്ത്രജ്ഞരോട് മോശമായി പെരുമാറിയെന്ന ആരോപണങ്ങളെ തള്ളിക്കളഞ്ഞ് പാകിസ്താന്‍. സംഭവത്തില്‍ അമേരിക്കയുടെ ഭാഗത്തുനിന്ന് ഔദ്യോഗികമായ ഒരു പരാതിയും ലഭിച്ചിട്ടില്ലെന്ന് പാകിസ്താന്‍ വിദേശകാര്യ മന്ത്രാലയം വക്താവ് പ്രതികരിച്ചു.
കഴിഞ്ഞ ദിവസം യു.എസ് വിദേശകാര്യ സെക്രട്ടറി മൈക് പോംപിയോയാണ് ആരോപണവുമായി രംഗത്തെത്തിയത്.
എന്നാല്‍, രാജ്യത്തുള്ള എല്ലാ വിദേശ പ്രതിനിധികള്‍ക്കും എല്ലാവിധ നയതന്ത്ര പരമായ പരിചരണങ്ങളും പരിഗണനകളും നല്‍കുന്നുണ്ടെന്നും ഇക്കാര്യത്തില്‍ ഒരു രാജ്യക്കാരോടും വിവേചനമുണ്ടായിട്ടില്ലെന്നും പാക് വിദേശകാര്യ മന്ത്രാലയം വാര്‍ത്താകുറിപ്പില്‍ അറിയിച്ചു.