യുജിന്‍: ഡയമണ്ട് ലീഗ് അത്‌ലറ്റിക്‌സ് പരമ്പരയുടെ മൂന്നാം പാദ പോരാട്ടത്തില്‍ മത്സരിച്ച ഇന്ത്യയുടെ ജാവലിന്‍ ത്രോ സൂപ്പര്‍ താരം നീരജ് ചോപ്രയ്ക്ക് ആറാം സ്ഥാനം. 80.81 മീറ്റര്‍ താണ്ടിയാണ് 20കാരനും ഏഷ്യന്‍- കോമണ്‍വെല്‍ത്ത് ഗെയിംസ് ചാംപ്യനും കൂടിയായ നീരജ് ആറാം സ്ഥാനത്ത് ഫിനിഷ് ചെയ്തത്. അതേസമയം രണ്ടാം പാദം ദോഹയില്‍ കഴിഞ്ഞ മാസം അരങ്ങേറിയപ്പോള്‍ നീരജ് 87.43 മീറ്റര്‍ താണ്ടി നാലാം സ്ഥാനത്തെത്തിയിരുന്നു.
ഇത്തവണ ആദ്യ ശ്രമത്തില്‍ 76.95 മീറ്ററും രണ്ടാം ശ്രമത്തില്‍ 80.81 മീറ്ററും മൂന്നാം ശ്രമത്തില്‍ 80.26 മീറ്ററുമാണ് നീരജ് മറികടന്നത്. ശേഷിച്ച മൂന്ന് ത്രോകള്‍ ഫൗളില്‍ കലാശിച്ചതും ഇന്ത്യന്‍ താരത്തിന് തിരിച്ചടിയായി.