കണ്ണൂര്‍: വിജ്ഞാന വിരുന്നൊരുക്കി താണയില്‍ നടന്നുവരുന്ന എസ്.കെ.എസ്.എസ്.എഫ് സഹചാരി ജില്ലാകമ്മിറ്റിയുടെ റമദാന്‍ പ്രഭാഷണം ഇന്നു സമാപിക്കും. ഇന്നലത്തെ പ്രഭാഷണം അസ്‌ലംതങ്ങള്‍ അല്‍മശ്ഹൂര്‍ ഉദ്ഘാടനം ചെയ്തു.
സമസ്ത കേന്ദ്ര മുശാവറ അംഗം കെ.കെ.പി അബ്ദുല്ല മുസ്‌ലിയാര്‍ അധ്യക്ഷനായി.എ.കെ അബ്ദുല്‍ ബാഖി, ഫത്താഹ് ദാരിമി മാണിയൂര്‍, അഷറഫ് ബംഗാളിമുഹല്ല, ഷഹീര്‍ പാപ്പിനിശേരി, ജലീല്‍ ഹസനി കുപ്പം, അസ്‌ലം പടപ്പേങ്ങാട്, ഷൗക്കത്തലി ഉമ്മന്‍ചിറ, സുറൂര്‍ പാപ്പനിശേരി സംസാരിച്ചു. അബൂബക്കര്‍ അല്‍അസ്ഹരി കാസര്‍കോട് മുഖ്യപ്രഭാഷണം നടത്തി.
ഇന്നത്തെ പരിപാടി രാവിലെ 8.30ന് സമസ്ത കേന്ദ്ര സെക്രട്ടറി പി.പി ഉമര്‍ മുസ്‌ലിയാര്‍ ഉദ്ഘാടനം ചെയ്യും. സമസ്ത കേന്ദ്ര മുശാവറ അംഗം മാണിയൂര്‍ അഹ്മദ് മുസ്‌ലിയാര്‍ കൂട്ടപ്രാര്‍ഥനയ്ക്കു നേതൃത്വം നല്‍കും.
നിര്‍ധനരായ രോഗികള്‍ക്കു വര്‍ഷങ്ങളായി നടന്നുവരുന്ന മരുന്നുവിതരണവും വൃക്ക രോഗികള്‍ക്ക് ഡയാലിസിനു ആവശ്യമായ ഒരുവര്‍ഷത്തെ ഫണ്ട് ശേഖരവുമാണു റമദാന്‍ പ്രഭാഷണത്തിന്റെ ലക്ഷ്യം. ജാതിമത ഭേതമന്യേ നിരവധിപേര്‍ക്ക് ഇതിനകം സഹായങ്ങള്‍ നല്‍കിയിട്ടുണ്ട്.