മഞ്ചേരി: മണ്ഡലം യൂത്ത് കോണ്‍ഗ്രസ് കമ്മിറ്റിയുടെ ആഭിമുഖ്യത്തില്‍ പ്രധാനമന്ത്രി നരേന്ദ്ര മോദിക്കൊരു ഫിറ്റ്‌നസ് ചലഞ്ച് എന്ന പ്രതിഷേധ പരിപാടി സംഘടിപ്പിച്ചു. രാജീവ് ഗാന്ധി ബൈപ്പാസിലുള്ള പെട്രോള്‍ പമ്പിന് മുന്‍പില്‍ ഫിറ്റ്‌നസ് ഉപകരണങ്ങളുമായി വര്‍ക്ക്ഔട്ട് ചെയ്തായിരുന്നു പ്രതിഷേധം.
എ.ഐ.സി.സി അംഗം ഡോ.എം. ഹരിപ്രിയ ഉദ്ഘാടനം ചെയ്തു. മണ്ഡലം യൂത്ത് കോണ്‍ഗ്രസ് പ്രസിഡന്റ് അക്ബര്‍ മീനായി അധ്യക്ഷനായി. അനസ് അത്തിമണ്ണില്‍, മനോജ് തടപ്പറമ്പ്, സുധീഷ് പയ്യനാട്, രാധാകൃഷ്ണന്‍ മാടങ്ങോട്, സുനില്‍ വീമ്പൂര്‍, കുഞ്ഞുമുഹമ്മദ് എന്ന നാണി, ഇല്ല്യാസ് പുല്‍പ്പറ്റ, നിസാര്‍ പുല്ലൂര്‍, സഗീര്‍ വിളക്കുമടത്തില്‍, ഷാന്‍ പുല്ലുര്‍ തുടങ്ങിയവര്‍ നേതൃത്വം നല്‍കി.